Балалар кітабы әлеміне саяхат

           Мектеп жасына дейінгі балалардың кітап оқуға қызығушылығын арттырып, оларды әдебиет әлеміне баулу мақсатында 30 қазанда Шахан кентіндегі №8 кітапхана-филиалы «Балалар кітабы әлеміне саяхат» атты ақпарат күнін ұйымдастырды. Осы күні кітапхана бүлдіршіндер мен олардың ата-аналарын қарсы алып, балалар әдебиетінің сан алуан туындыларымен таныстырды. Күні бойы «Ертегілер керуені» кітап көрмесі және «Неліктен?»,  «Мен оқимын және өсемін» атты әдебиеттер көрмелері бойынша шолулар өткізілді. Сонымен қатар ата-аналар мен балаларға «Шахтинск ОКЖ» КММ сайтының «Балалық шақ әлемі» бөлімі таныстырылды. Кітапханаға «Капуста» бөбекжайының «Гарвард» тобының тәрбиеленушілері келді. Балалар ертегілерге арналған «Сөзді жалғастыр», «Бұл жолдар қай ертегіден?» атты викториналарға және «Сұрақ-жауап» сайысына қатысты. Сондай-ақ «Шатасу», «Ғажайып сандық» және «Сиқыршы бол» ойындары бүлдіршіндерге көтеріңкі көңіл күй сыйлады. Балалар кітапхана қорындағы жаңа кітаптарға қызығушылық танытып, ертегілер, өлеңдер мен көңілді оқиғаларға толы түрлі-түсті басылымдарды тамашалады. Бұдан бөлек, олар оқудың маңызын түсіндіретін «Пілдің баласы» атты тәрбиелік мультфильмді көрді. Мультфильм балаларға айналасындағы әлемді танып-білу үшін оқи білудің маңызды екенін ұғындыруға көмектесті. Іс-шара соңында кітапханашылар бүлдіршіндер мен ата-аналарды кітапханаға жиі келіп, тұрақты оқырман болуға шақырды. Кітапханаға жасалған бұл саяхат балалардың кітапқа деген қызығушылығын арттырып, оларды қызықты кітаптар әлеміне жетеледі.