Президент Жолдауы – іске бастар ақпарат
11 қыркүйекте Шахан кентіндегі №8 кітапхана-филиалы әлеуметтік желілерде Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында белгіленген Қазақстанның даму бағыттарына арналған «Президент Жолдауы – іске бастар ақпарат» атты ақпараттық сағат өткізді. Іс-шараға қатысушылар Жолдауда айқындалған негізгі басымдықтармен танысты. Атап айтқанда, цифрландыру және жасанды интеллектіні дамыту, экономика мен инвестициялар, өнеркәсіп, ауыл шаруашылығы, көлік, білім беру, денсаулық сақтау және кәсіпкерлікті қолдау мәселелері қамтылды. Заңдылық пен тәртіпті сақтау, жастарды дамыту, жұмысшы мамандықтарын дәріптеу және заманауи патриотизм мәселелеріне ерекше назар аударылды. Іс-шара барысында еліміздің болашағы тек мемлекеттік шешімдерге ғана емес, әр азаматтың белсенді азаматтық ұстанымына да байланысты екені атап өтілді. Іс-шара қатысушылардың Қазақстанның қазіргі даму міндеттері туралы білімдерін кеңейтіп, елдің болашағына әр адамның қосар үлесінің маңыздылығын түсінуге мүмкіндік берді.
