Бұл жерде ертегі өмір сүреді

           «Алақандағы кітап» акциясы аясында Шахан кентіндегі №8 кітапхана-филиалының қызметкерлері «Березка» бөбекжайының тәрбиеленушілеріне арналған «Бұл жерде ертегі өмір сүреді» атты дауыстап оқуды ұйымдастырды. Балалар Сергей Козловтың мейірімді әрі қызықты «Трям! Здравствуйте!» ертегісімен танысты. Кітапханашы ертегіден үзіндіні мәнерлеп оқып, оның кейіпкерлерімен таныстырды. Балалармен достық, мейірімділік және айналадағы әсемдікті көре білу туралы әңгімелесті. Кездесудің жалғасы ретінде С. Козловтың ертегісі желісі бойынша түсірілген мультфильм көрсетілді. Балалар өз әсерлерімен бөлісіп, кейіпкерлердің іс-әрекеттерін талқылады және өздеріне ерекше ұнаған сәттерді айтып берді. Балалар шығармашылық шеберлік сағатына үлкен қызығушылықпен қатысып, өз қолдарымен достықтың жарқын түймедақтарын жасады. Іс-шара соңында кітапханашы балаларға арналған түрлі-түсті кітаптарды таныстырды. Бүлдіршіндер кітаптардың суреттерін қызығушылықпен тамашалап, өздеріне ұнаған кітаптарды парақтады. Кездесу мейірімді, көңілді әрі танымды өтті. Ол балаларға кітаппен жақын араласудың қуанышын сыйлап, ертегі кітап оқылатын жерде өмір сүретінін тағы бір дәлелдеді!