«Елордамен мақтанамыз – елімізбен мақтанамыз»

24 маусым күні Шахан кентіндегі №8 кітапхана-филиалында «Елордамен мақтанамыз – елімізбен мақтанамыз» атты сурет байқауы өтті. Іс-шара Елорда күніне арналды. Мерекелік шара Астананың тарихы мен заманауи көрікті жерлері туралы әңгімеден басталды. Балалар Қазақстанның бас қаласы туралы көптеген қызықты деректермен танысты. «Үлкен елорданың кішкентай білгірлері» викторинасына жауап беру барысында оқушылар өз білімдері мен тапқырлықтарын көрсетті. Сондай-ақ олар «Астана: А-дан Я-ға дейін» кітап көрмесімен танысып, мегаполистің тарихы мен мәдениеті туралы тереңірек мәлімет алды. Балаларға 3D-анимациясы бар «Астана – болашақ қаласы» атты виртуалды кітап ерекше ұнады. «Астана – менің елімнің астанасы» бейнеролигін тамашалау арқылы олар қаланың әсемдігі мен ерекшелігін айқын көрді. Көрген әсерлерінен шабыт алған балалар Астананың көрікті жерлерін қағаз бетіне бейнеледі. Ең үздік жұмыстардың авторлары сыйлықтармен марапатталды. Шара соңында барлық қатысушыларға алғыс айтылып, еліміздің әсем Елордасына міндетті түрде баруларына тілектестік білдірілді.