«Жанданған беттер» медиа-шолуы

29 мамыр күні Шахан кентіндегі №8 кітапхана-филиалы әлеуметтік желілерде «Жанданған беттер» атты медиа-шолуын ұсынды. Кітапханашы жас оқырмандарға қарапайым оқуды нағыз сиқырлы саяхатқа айналдыра алатын жаңа буынның таңғажайып кітаптары туралы әңгімеледі. Көрермендер арнайы мобильді қосымша арқылы кітап беттерінің «жанданып», көлемді бейнелердің пайда болатынын, кейіпкерлердің дауыстары, музыка мен танымдық түсіндірмелер естілетінін білді. Балалар назарына «Анатомия. Энциклопедия», «Дыбысталған ағылшын әліппесі», «Барлық марғаулар туралы жанданған өлеңдер», «Тірі энциклопедия. Мұхит құпиялары» және басқа да жарқын, түрлі-түсті әрі танымдық интерактивті кітаптар ұсынылды. Жанданған беттердің көрсетілімі арқылы балалар толықтырылған шынайылық мүмкіндіктерімен танысып, заманауи технологиялардың кітап оқуды шын мәнінде қызықты ете алатынына көз жеткізді. Шара соңында кітапханашы балаларға жиі кітап оқып, жаңа білім ашып, ғажайыптарға сенуді тіледі, өйткені заманауи кітаптармен бірге беттер шынымен жанданады.