«Кітап оқу трендте» акциясы
20 мамыр күні Шахан кентіндегі №8 кітапхана-филиалының қызметкерлері «Кітап оқу трендте» атты көше акциясын өткізді. Іс-шараның мақсаты – заманауи әдебиетке қызығушылықты арттыру және кітаптың адам өміріндегі маңызды рөлін насихаттау болды. Кітапханашылар Шахан кентінің көшелеріне шығып, жастармен еркін форматта әңгімелесті. Кездесу барысында кітап оқудың пайдасы, әдеби талғам және қазіргі қоғамдағы кітаптың маңызы туралы пікір алмасу өтті. Барлық ниет білдірушілерге көркем әдебиеттің жаңа басылымдары мен жастарға арналған түрлі жанрдағы танымал шығармалар таныстырылған жадынамалар мен буклеттер таратылды. Акцияға қатысушылардың ерекше қызығушылығын заманауи бестселлерлер мен психология саласындағы әдебиеттер тудырды. Іс-шара кітап пен оқуды насихаттауға, жастардың кітапханаға деген қызығушылығын арттыруға және кітап оқуға деген оң көзқарасты қалыптастыруға ықпал етті.
