Қазақстан әдебиетіндегі әйел үні

№1 кітапхана-филиалының қызметкері «Қазақстанның танымал тұлғаларының мерейтойлық күндері» жобасы аясында оқырмандардың кең тобына арналған ақын Марфуға Айтқожинаның 90 жылдық мерейтойына орай «Қазақстан әдебиетіндегі әйел үні» атты әдеби портрет өткізді. Кітапханашы оқырмандарға Марфуға Айтқожинаның өмір жолы мен шығармашылық мұрасы туралы баяндады. Ақынның балалық шағы, әдебиет әлеміне келуі, ақындық шеберлігінің қалыптасуы, алғашқы өлеңдерінің жарық көруі және қазақ поэзиясының дамуына қосқан үлесі туралы мәліметтер берілді. Шара барысында Марфуға Айтқожина поэзиясының басты тақырыптары кеңінен сөз етілді. Ақын шығармаларында Отанға деген сүйіспеншілік, туған жер мен ана тілінің қадірі, ананы ардақтау, адамгершілік құндылықтар, табиғат сұлулығы және әйел болмысы терең жырланатыны атап өтілді. Оқырмандар ақынның «Балқұрақ», «Шыңдағы жазу», «Жастық шақ», «Аққуым менің» және басқа да шығармаларымен танысты. Іс-шара соңында «М. Айтқожина туралы не білесіз?» атты танымдық викторина өткізіліп, қатысушылар ақынның өмірі мен шығармашылығы бойынша өз білімдерін көрсетті.