Журнал беттеріндегі ғажайыптар
Кітапхананың жас оқырмандарымен «Журнал беттеріндегі ғажайыптар» атты журнал-ойыны өткізілді.
Іс-шара барысында кітапханашы балаларды «Непоседа», «Тошка», «Фантазёры», «Маленькие академики» және «3/9 царство» балалар журналдарымен таныстырып, олардың мазмұны мен қызықты айдарлары туралы әңгімеледі.
Кездесудің басты кейіпкері «Непоседа» журналы болды. Жас оқырмандар қызықты ойындар мен байқауларға қатысып, сұрақтарға жауап берді, ребустар шешті, логикалық тапсырмаларды орындады, журналдың мұқабасын құрастырып, шығармашылық қабілеттерін көрсетті.
Іс-шара танымдық әрі достық атмосферада өтіп, балаларға көтеріңкі көңіл күй мен жарқын әсер сыйлады. Сонымен қатар, журнал оқу – жаңа білім алудың, ой-өрісті дамытудың және бос уақытты пайдалы өткізудің қызықты жолы екеніне тағы бір мәрте көз жеткізді.
