Үлкен ғаламшардағы кішкентай ғажайыптар
Бастауыш сынып оқушыларына арнап №16 кітапхана-филиалының қызметкерлері «Үлкен ғаламшардағы кішкентай ғажайыптар» атты қызықты экоквест өткізді. Көңілді ойын түрінде ұйымдастырылған шара барысында оқушылар ертегі әлеміндегі түрлі бекеттерге саяхат жасап, құстар мен сирек кездесетін жануарлардың дауысын танып, орманға қатысты жұмбақтарды шешіп, қоқысты сұрыптау ережелерін үйренді. Оқушылар өздерінің білімге деген құштарлығын, тапқырлығын және топпен бірлесе жұмыс істеу қабілеттерін көрсетті. Шара соңында жас зерттеушілер ғаламшарымызды күнделікті қалай қорғау керектігі туралы білімдерін бекітіп, естелік дипломдар мен көтеріңкі көңіл күйге ие болды. Сонымен қатар «Кітап беттеріндегі орман құпиялары» атты әдебиеттер көрмесі ұсынылды.
