«Жетістік формуласы: мамандыққа адал еңбек» атты әңгіме
14 мамыр күні №16 кітапхана-филиалының қызметкерлері №11 ЖББМ КММ 7-сынып оқушылары үшін «Жетістік формуласы: мамандыққа адал еңбек» атты танымдық әңгіме өткізді. Кездесу барысында оқушылар «бейімділік» ұғымын талқылап, табыстың негізгі қағидасын бірге анықтады: «Жетістік = Еңбек + Мамандыққа сүйіспеншілік + Табандылық». Олар өз ісіне адалдық танытқан Қазақстанның белгілі тұлғаларының өмір жолынан мысалдар келтірді. Іс-шарада оқушылар еңбек туралы өлеңдер оқып, мақал-мәтелдер мен мамандықтарға арналған әндерді еске түсірді. Соңында білімді бекіту мақсатында шағын викторина ұйымдастырылды. Қатысушылар нағыз жетістік адамның өз ісін сүйіп, табанды еңбек еткен жағдайда ғана келетіні туралы қорытынды жасады.
