«Туған тіл – даналық пен әсемдіктің көзі» лингвистикалық ойыны
16-шы кітапхана филиалының қызметкерлері жастарға арналған «Туған тіл – даналық пен әсемдіктің көзі» атты лингвистикалық ойын өткізді. Қатысушылар орыс және қазақ тілдеріндегі білімдерін сынады: мақал-мәтелдерді толықтырды, фразеологизмдерді сахналады, жылдам айтылатын сөздермен жарысты, синонимдер мен антонимдерді тапты, сондай-ақ «Сөз конструкторы», «Лингвистикалық лабиринт», «Аудармашы» сияқты ойындарға қатысты. Бұл іс-шара тіл мәдениетін, орфографиялық сауаттылықты дамытуға бағытталды. Сонымен қатар «Тіл – достық тірегі» атты әдебиет көрмесі таныстырылды.
