Көңілді жаңалықтар кітап марафоны
№13 балалар кітапхана-филиалының қызметкерлері Оқушылар сарайының мектеп жанындағы жазғы лагерінің тәрбиеленушілеріне «Көңілді жаңалықтар кітап марафоны» атты ойын-сауық бағдарламасын ұйымдастырды. Іс-шара балаларға көтеріңкі көңіл күй сыйлаған «Кітап ұрандары» атты көңілді сергіту сәтінен басталды. Қатысушылар ертегілерге байланысты қызықты тапсырмаларды орындап, викторина сұрақтарына жауап беріп, «Кітап ауруханасы» байқауында кітап кейіпкерлеріне көмектесті. «Әдеби пойыз» және «Кітап экспресі» атты қимылды ойындар мен эстафеталар барысында балалар ұйымшылдықтарын, шапшаңдықтары мен тапқырлықтарын көрсетті. Іс-шара соңында жүргізуші кітап оқудың маңыздылығына тоқталып, балалар қызықты әсерге бөленіп, жаңа білім мен көтеріңкі көңіл күй сыйлаған мазмұнды кездесуден жақсы әсер алды.
