Жүрегі дарқан қазақ халқы

Е. Бөкетов атындағы ЖББМ 5-сынып оқушылары үшін №13 филиал балалар кітапханасының қызметкерлері Алғыс айту күніне орай «Жүрегі дарқан қазақ халқы» атты ойын-саяхат ұйымдастырды. Іс-шара барысында оқушыларды түрлі викториналар, мақал-мәтелдер мен жұмбақтар күтіп тұрды. Бұл тапсырмалар мектеп оқушыларына Қазақстан халықтарының мәдениетін тереңірек танып, ана тілінің байлығы мен көркемдігін жақсырақ түсінуге көмектесті. «Аспаздық байқау» балаларды ұлттық тағамдардың сан алуандығымен және қазақ халқының қонақжайлылық дәстүрлерімен таныстырды. Ерекше қызығушылық тудырған «Хабарламаны суретпен жеткіз» байқауында қатысушылар өздерін алғашқы адамдардың орнына қойып, ойларын сөзсіз — суреттер мен белгілер арқылы жеткізді. Бұл олардың шығармашылық қабілеттерін дамытып, қарым-қатынас жасау дағдыларын жетілдіруге ықпал етті. Мереке жоғары көңіл күйде өтіп, оқушылар үшін бірлік пен достықтың, шынайы патриотизмнің тағылымды сабағына айналды.