«Жол белгілері елінде»
Долинка кентіндегі №11 кітапхана-филиалында «Күншуақ» мектеп жанындағы лагерь тәрбиеленушілері үшін «Жол белгілері елінде» атты жол қозғалысы ережелері бойынша викторина өткізілді. Іс-шара барысында балалар «Белгіні білесің бе?» сұрақтарына жауап беріп, «Болады – болмайды» ойынына қатысты және жол қозғалысы ережелеріне арналған танымдық презентацияны тамашалады. Кітапханашы қатысушылар назарына жол қозғалысы ережелері туралы кітаптарды ұсынып, олардың мазмұнымен таныстырды. Іс-шара соңында барлық қатысушыларға «Қауіпсіз жол» атты жадынамалар таратылды.
