«Біздің таңдауымыз – жаз, кітап, оқу»
3 маусым күні Шахан кентінің №8 кітапхана-филиалында жас оқырмандарға арналған «Біздің таңдауымыз – жаз, кітап, оқу» атты ойын-саяхат өткізілді. Іс-шара барысында балалар қызықты зияткерлік саяхатқа аттанып, түрлі тапсырмалар мен көңілді сайыстарға қатысты. Қатысушылар топтарға бөлініп, «Кітап ребустары», «Ертегілер алаңы», «Әдеби олжалар бюросы», «Экологиялық соқпақ» және «Ғажайыптар алаңы» бекеттері бойынша саяхат жасады. Әр бекетте балалар тапқырлықтарын, логикалық ойлау қабілеттерін және әдеби шығармаларды қаншалықты жақсы білетіндерін көрсетті. Ал «Кітап жаңалықтары галереясы» бекетінде оқырмандар жаңа кітаптармен танысып, қызықты әдебиеттер туралы мағлұмат алды. Ойын-саяхат күнді нағыз мерекеге айналдырды. Балалар уақыттарын қызықты әрі пайдалы өткізіп, жақсы көңіл күйге бөленді. Жас саяхатшылар кітап оқу қызықты оқиғалар мен жаңа жаңалықтарға толы ғажайып әлемге жол ашатынына көз жеткізді.
