«Ауғанстан – біздің жадымыз» ауған соғысы ардагерлерімен кездесу
Бұқар жырау атындағы орталық қалалық кітапханада «Ауғанстан – біздің жадымыз» атты кездесу өтіп, Кеңес әскерлерінің Ауғанстан жерінен шығарылғанына 37 жыл толуына орай ұйымдастырылды. Іс-шара барысында кітапханашы Ауған соғысының себептері мен тарихи алғышарттарына қысқаша шолу жасап, кеңес әскерлерінің атқарған міндеттерін атап өтті және бұл соғыстың бір буын тағдырына тигізген әсеріне тоқталды. Кездесудің құрметті қонақтары – ауған соғысының ардагерлері Медянцев Олег Борисович, Жакенов Серик Жавкерович және Андреев Игорь Владимирович. Олар әскери қызмет жолдары туралы естеліктерімен бөлісіп, Ауғанстанға аттанар алдындағы дайындық, алғашқы күндер, жауынгерлік тапсырмаларды орындау және соғыс жағдайының күрделі сәттері жөнінде әңгімеледі. Ардагерлер өз сөздерінде жауынгерлік бауырластықтың, өзара қолдаудың және жауапкершіліктің маңызын ерекше атап өтті. Іс-шара қатысушылары қаза болған жауынгерлерді бір минут үнсіздікпен еске алып, ардагерлерге көрсеткен ерлігі мен Отан алдындағы адал қызметі үшін алғыс білдірді. Кездесу құрмет пен тағзым рухында өтіп, тарихи шындықты сақтау мен жас ұрпақты отансүйгіштікке тәрбиелеуге ықпал етті.
