1 маусым – Балаларды қорғау күні
Қалалық мерекеге «TV – Балалық шақ!» атты шараға балалар кітапханалары қатысты. Қала тұрғындарының кішкентайлары үшін Мәдениет үйінің алаңында «Қыздар мен ұлдар, жазда кітап оқыңдар» атты кітап көрмесі ұйымдастырылды. Кітапханашылар «Бақытты балалық шақ» викторинасын және «Бұл кім?» атты мультвикторинаны өткізді. Ең белсенді қатысушыларға тәтті сыйлықтар, медальдар, әуе шарлары табысталды. Сурет салуды ұнататындар үшін көңіл-күй суреттерін асфальтқа салуға борлар ұсынылды. Іс-шараға 100 адам қатысты.
