Ақын, Абай атындағы Мемлекеттік сыйлығының лауреаты, Қазақстанның еңбек сіңірген қайраткері Серік Ақсұңкарұлының шығармашылығы қазақ әдебиетінің терең тағылымы мен рухани байлығының айшықты мұрасы. Ақынның таңдамалы шығармалар жинағының үш томының «Ақсораң» атты бірінші томы ХХ ғасырдың әдебиеті мен мәдениетін бейнелейтін еренғайып еңбектер қатарын қамтиды. Бұл томға Серік Ақсұңқарұлының ХХ ғасырда жазылған өлеңдері мен поэмалары, сондай-ақ, 2024 жылы жазылған автобиографиялық эссесі енген. Мәселен, «Барыс жылы туған асау балықлын...» деп аталатын автобиографиялық эссесінде ақын өзінің елу жылдық шығармашылық жолына шолу жасап, осы кезеңдегі қазақ әдебиетінің дамуы мен өзгерістерінің кең панорамасын ұсынады. Шығармада өмір мен өнер, уакыт пен кеңістік, ұлттық руханият пен жаһандану құбылыстары терен бейнеленеді. «Тарқамаған балалықтың базары» атты келесі бөлімінде ақынның өлеңдері, поэмалары және қара сөзбен жазылған шығармалары топтастырылған. Бұл бөлімде Серік Ақсұнқарұлының балалық шақтан бастау алған шығармашылық әлемі, оның нәзік лиризм мен терең философияға толы поэтикалық тілі көрініс береді. Томның құнтты құндылығының бірі «ХХ ғасырдың жиырма сәті» атты поэмасы. Бұл туынды қазақ әдебиетінің алтын қорына енген классикалық шығарма. Поэмада ақын ХХ ғасырдың ең маңызды әлеуметтік, мәдени және саяси оқиғаларын суреттей отырып, ұлттың жадын жаңғыртып, тарихи-рухани сабақтастықты бейнелейді. Серік Ақсұңкарұлының«Ақсораң» кітабы тек бір ақынның шығармашылық әлемі емес, сонымен бірге, қазақ поэзиясының жанашылдыққа, тереңдікке, ұлттық болмысқа негізделген биік шыңы. Бұл жинақ әдебиетсүйер қауым үшін эстетикалық ләззат сыйлайтын әрі ұлттық рухани мұраның жаңа қырларын ашатын баға жетпес туынды.

Ақсұңқарұлы С.  Таңдамалы шығармалардың үш томдығы Т. 1. – Қарағанды: Гласир, 2024. – 568 б.

Категория: художественная литература
Год: 2024
Место хранения: аб, ф1, ф2, ф8, ф11, ф16