Долинка поселкесінде «сталиндік неоклассика» стиліндегі көптеген ғимараттар сақталған. Оларда грек-рим сәулетінің белгілері айқын көрініс табады: бағандар, пилястрлар, фронтондар, рустика. Мұнда генералдар мен офицерлердің үйлері, ІІХК Орталық клубы (қазіргі уақытта қирандылары), «П» әрпі пішіндес аурухана ғимараты және бұрынғы Карлаг басқармасы орналасқан. Басқарма алдындағы саябақ аймағы мен фасад алдындағы фонтан ерекше назар аударады. Бұрын бұл жерде И.В. Сталиннің ескерткіші тұрды. Демалыс күндері ғимарат баспалдақтары жанында би алаңы ұйымдастырылып, бұрынғы астаналық театрлар мен филармонияларда өнер көрсеткен тұтқындардан құралған духовой оркестр ойнайтын.

Долинкадағы үйлердің көбі саз кірпіштен салынған болатын. Тек үлкен кинозалы мен кітапханасы бар клуб, электр станциясы және лагердің екі қабатты басқарма ғимараты ғана кірпіштен тұрғызылған. Мектеп – ұзын бір қабатты – үшінші көшеде орналасқан еді, оның қасында лагердің алыс бөлімдерінен келген балаларға арналған ұзын интернат ғимараты – Карабас тұрды, онда транзиттік түрме болған.

Бүгінге дейін сол кезеңнің бірнеше ескерткіштері сақталған, олар өткен ғасырдағы репрессия жылдарын ұзақ уақыт бойы еске салып тұрады.