Өмірдің даналығы – көңілдің жастығы
Долинка кентіндегі №11 кітапхана-филиалында «СӨС» клубының қатысушыларына арналған «Өмірдің даналығы – көңілдің жастығы» атты демалыс кеші өтті. Мерекелік дастарқан басына кітапхананың тұрақты достары жиналып, күнделікті күйбең тірліктен бір сәт сергіп, бір-біріне көтеріңкі көңіл күй сыйлады. Қонақтар жастық шақтары, еңбек жылдары мен есте қалған оқиғалар туралы жылы естеліктерімен бөлісті. Кеш барысында қатысушылар әзіл-сықақ көрінісін сахналап, өздерінің әртістік қабілеттерін танытып, жиналғандарға қуаныш пен күлкі сыйлады. Сондай-ақ күз мезгілі мен өмірге қатысты жұмбақтарды шешіп, тапқырлықтары мен өмірлік тәжірибелерін көрсетті. Кеш әнмен жалғасын тапты. Қатысушылар ән байқауында бақ сынап, сүйікті әндерін орындады, көңілді частушкаларды шырқап, көпшіліктің қошеметіне бөленді. Жиналғандар бала кезден таныс әуендерге қосылып, әнге шаттана үн қосты. Іс-шара жылылық пен жайлылыққа, шынайы қуаныш пен көтеріңкі көңіл күйге толы атмосферада өтті. Бұл кездесу жан дүниесі жас, жүрегі қуаныш пен оптимизмге толы адам үшін жастың тек сан екенін тағы бір мәрте дәлелдеді!
