«Туған жердің жаны мен жады» Өлкетану күні

26 қыркүйекте кітапхана оқырмандары үшін «Туған жердің жаны мен жады» өлкетану күні өтті. Іс-шараның басты мақсаты - өлкетану әдебиетіне деген қызығушылықты дамыту. Оқу залында өткен іс-шараға «Бәрінен қымбат - туған өлке» атты кітап көрмесі ұйымдастырылды. Кітапханашылар күні бойы әдебиеттерге шолу жасады - өлкеміздің тарихы туралы кітаптар ұсынылған «Тарихты білу, өткенді бағалау», Ұлы Отан соғысының ардагер жерлестеріміз, интернационалист – жауынгерлер, жазушылар және өлкенің басқа да атақты адамдары туралы басылымдармен таныстырған «Біздің жер олармен әйгілі». Кітапханашылар кітапханаға келушілердің назарын «Шахтинск ОКЖ» КММ сайтында орналасқан бай өлкетану материалына аударды. Кітапхана залында «Туған өлкем – қандай көркем» атты фотокөрме ұйымдастырылды, соның арқасында оқырмандар Шахан тұрғындарының жеке мұрағаттарынан алынған фотокөрмелерде түсірілген кент тарихымен танысуға мүмкіндік алды. Кент ұйымдарының көшелері мен ғимараттары түсірілген «Шахан объективте» фотокөрмесі де оқырмандардың назарын аударды. Өлкетану күні оқырмандар үшін қызықты әрі танымды өтті, олар өз ауылына одан әрі өркендеу мен амандық тіледі.