«Кітап – уақыт кеңістігіндегі саяхат» кітапханалық сабақ

16 қазан күні №2 ЖББМ 4 «В» сынып оқушылары Шахан кентіндегі №8 кітапхана-филиалға барып қайтты. Оқушылар үшін «Кітап – уақыт кеңістігіндегі саяхат» атты кітапханалық сабақ өткізілді. Сабақ барысында балалар кітаптың даму тарихымен танысып, ежелгі ақпарат тасымалдаушылардан бастап заманауи электронды форматтарға дейінгі қызықты жолды зерделеді. Кітапханашылар оқушыларды әр дәуірмен таныстырып, көне Шумер, Мысыр, Қытай және Римде жазу үшін қандай материалдар пайдаланылғаны туралы айтып берді. Балалар алғашқы «кітаптардың» саз тақташалар мен папирустардан бастап пергаментке дейін қандай болғанын білді. Сабақ барысында ерекше назар ұлы өнертапқыш Иоганн Гутенбергке аударылды. Дәл осы кісінің арқасында қолжазба фолианттардың орнын қолжетімді баспа басылымдары басты. Ең қызықты сәт – қазіргі заманмен танысу болды: балалар толықтырылған шындық элементтері бар кітаптарды көріп, мобильді кітапханамен танысты. Енді жас оқырмандар QR-кодты немесе Шахтинск ОКЖ сайтындағы «Балалық шақ әлемі» бөлімін пайдаланып, электронды кітапты оңай және жылдам жүктей алатынын біледі. Сабақ соңында балалар ортақ қорытынды жасады: кітап – нағыз ғажайып, адам өмірінің адал досы және серігі, ол – білімге, қиял мен даналыққа бастайтын сенімді жолсерік болып қала береді.