«Тәуелсіздік – елдің берік негізі» атты танымдық сағат.
11 желтоқсанда №16 кітапхана-филиалының қызметкерлері №11 ЖББМ КММ оқушылары үшін Қазақстан Республикасының Тәуелсіздік күніне арналған «Тәуелсіздік – елдің берік негізі» тақырыбында танымдық сағат ұйымдастырды. Іс-шара барысында оқушылар тәуелсіздіктің мемлекет дамуы мен әрбір азаматтың өміріндегі маңызы жөнінде пікір алмасты. Еркіндік пен бірлікке қатысты халық даналығы – мақал-мәтелдер айтылып, еліміздің тәуелсіздік жолындағы маңызды кезеңдерін қамтыған шағын презентация көрсетілді. Сонымен қатар қатысушылар Отан туралы өлеңдер оқып, «Еліңді білесің бе?» атты танымдық викторинаға белсенді қатысты. Іс-шара соңында оқушылар «Болашақ Қазақстанға хат» жазу арқылы өз армандары мен тілектерін білдірді. Кездесу жас ұрпақтың патриоттық сезімін нығайтуға, азаматтық жауапкершілігін арттыруға және ел болашағына деген сенімін қалыптастыруға ықпал етті.
