«Оқырманның цифрлық кеңістігі» технологиялар тест-драйвы
21 қазанда Бухар Жырау атындағы орталық қалалық кітапханада ШТК студенттері үшін «Оқырманның цифрлық кеңістігі» атты технологиялар тест-драйвы өтті. Іс-шараның мақсаты – кітапханадағы заманауи цифрлық сервистермен таныстыру және әдебиет пен ақпаратқа қол жеткізуді жеңілдету.
Қатысушылар мобильді кітапхана, толықтырылған шындық элементтері бар кітаптар, «Кітапханашыдан сұра» қызметі және Құжаттарды электронды жеткізу (ҚЭЖ) сияқты қызметтермен танысты. Онлайн оқу, электрондық каталог арқылы ақпарат іздеу және виртуалды анықтама қызметімен жұмыс істеу мүмкіндіктері көрсетілді. Әсіресе, смартфон экрандарында «тіріліп» көрінетін толықтырылған шындықпен жабдықталған кітаптар оқушылардың ерекше қызығушылығын тудырды. Бұл тәсіл оқу процесін қызықты әрі есте қаларлық етті. Практикалық бөлімде қатысушылар кітаптарды іздеу және оқу бойынша тапсырмаларды өз беттерімен орындап, анықтама қызметіне сұрақтар қойып, цифрлық сервистердің қолайлылығын бағалады.Іс-шара оқу мәдениетін арттыруға, цифрлық сауаттылықты дамытуға ықпал етті және кітапхана – бұл тек сөрелердегі кітаптар ғана емес, заманауи ақпараттық кеңістік екенін көрсетті.
