«Кітапханалардың болашағы: цифрландыру және ақпарат ұсынудың жаңа форматтары» атты кездесу
30 қазан күні Бұқар жырау атындағы орталық қалалық кітапханасында ШТК-ның ОП тобының студенттерімен кездесу өтті. Қатысушыларға «Кітапханалардың болашағы: цифрландыру және ақпарат ұсынудың жаңа форматтары» тақырыбында танымдық әңгіме өткізілді.
Кітапханашы студенттерді қарсы алып, заманауи технологиялардың кітапхана қызметіне қалай әсер етіп, оны ақпарат пен қарым-қатынас орталығына айналдырып жатқанын баяндады. Кездесу барысында қатысушылар кітапхананың сайтында қолжетімді заманауи цифрлық сервистермен танысты: электронды каталог, «ақылды кітаптар», виртуалды анықтама, электронды құжаттарды жеткізу (ЭҚЖ) және мобильді кітапхана. Сондай-ақ, кітапханашының жаңа рөлі – ақпарат әлеміндегі көмекші әрі бағыттаушы екендігіне ерекше назар аударылды. Кездесу соңында студенттер кітапхана сайтымен тәжірибе жүзінде танысып, цифрландырудың кітапхана қызметін одан әрі ыңғайлы, қолжетімді және тартымды ете түсетінін атап өтті.
