«Мамандықтар әлемі» ойын-викторина
2025 жылғы 21 тамызда Бухар Жырау атындағы орталық қалалық кітапхана қызметкерлері жазғы оқу залында «Мамандықтар әлемі» атты ойын-викторина өткізді. Шара көңілді жаттығудан басталды. Жаттығу ойынға сергектік пен жігерлі көңіл-күй сыйлап, қатысушылардың белсенділігін арттырды. «Кәсіби сөздік» байқауында балалар карточкаларда берілген терминдер тобының қай мамандыққа тиесілі екенін анықтады. Ал «Бұл кімге тиесілі?» атты қызықты сайыста қатысушылар мамандықты ерекше заттар арқылы табуы керек болды. Блиц-турнир сайысқа қызу қарқын беріп, сұрақтар бірінен соң бірі қойылып, жылдам жауап беруді және жақсы білімді талап етті. «Мамандықты тап» кезеңінде қатысушылар сипаттама арқылы қандай мамандық туралы айтылғанын анықтауға тырысты. Шара соңында қорытындылар шығарылып, жеңімпаздар анықталып, естелік сыйлықтар табысталды. Шара қызыққа, күлкіге, белсенділікке және командалық рухқа толы болды!
