Новости

«Менің мамандығым - кітапханашы» үгіт-насихат сағаты

Бұқар Жырау атындағы Шахтинск қалалық кітапханасының кітапханашысы Еңбек күніне орай кітапханашы мамандығы тақырыбында үгіт-насихат сағатын өткізді.

Әңгіме барысында кітапханашы мамандық туралы, кітапханашы жұмысының артықшылықтары мен қызықты сәттері туралы, бұл мамандық таңқаларлық, шығармашылық, талантты адамдар үшін үлкен мүмкіндіктер беретініне байланысты ақпарат алмасты.

Кітапханашы тек кітап сақтаушы ғана емес, сонымен қатар мұғалім, суретші, әртіс, ресімдеуші және маман екендігін қызықтыра түсіндірді.

Іс-шара барысында оқушылармен бірге формулярдың қалай толтырылатынын, түгендеу кітабының не екенін және оның не үшін қажет екенін, жоспар құрып, есеп жазуды, кітап көрмесін қалай рәсімдеуді немесе тақырыптық сөрені дайындауды қарастырды.

Оқушылар диалогқа қатысып, сұрақтар қойып, «Мен кітапханаға келдім» ойынына қатысты. Қорытындылай келе, оқушылар кітапханашы мамандығын қай оқу орындарында оқуға болатындығы туралы ақпаратпен танысты. Біреуі өз тағдырын кітапханамен байланыстыруды шешті

Вернуться назад